KfW သည် ကမ္ဘာ့ဝါအရင့်ဆုံး၊ အအောင်အမြင်ဆုံး Promotional Bank များထဲတွင် တစ်ခုအပါအဝင်ဖြစ်ပါသည်။ ၎င်းဘဏ်သည် KfW အဖွဲ့၏အဓိကကျသည့် အစိတ်အပိုင်း တစ်ရပ်အဖြစ် ဂျာမန်ဖယ်ဒရယ်အစိုးရ ကိုယ်စား ဖွံ့ဖြိုးဆဲနိုင်ငံများနှင့် ဘဏ္ဍာရေး ပူးပေါင်း ဆောင်ရွက်မှုများ လုပ်ဆောင်လျက်ရှိပါသည်။ ၎င်း၏ကျောထောက်နောက်ခံမှာ ဂျာမန် အစိုးရနှင့် ဖယ်ဒရယ်ပြည်နယ်များက ပိုင်ဆိုင်သည့် AAA-rating အဖြစ် အသွင်ပြောင်းလဲ ထားသော ဘဏ်ဖြစ်ပါသည်။ ယူရိုငွေ ဘီလီယံ ၅၀၀ ကျော်ရှိသည့်အတွက် ဂျာမနီနိုင်ငံ၏ အကြီးမားဆုံးဘဏ်များထဲမှ တစ်ခုဖြစ်ပါသည်။ မြန်မာအစိုးရအဖွဲ့အစည်းများ (ဝန်ကြီး ဌာနများ)၏ အောင်မြင်သည့် စီမံကိန်း အကောင်အထည်ဖော်ဆောင်မှုများကို ပံ့ပိုးပေးခြင်း (ဂျာမန်ဘဏ္ဍာရေးပူးပေါင်းဆောင်ရွက်မှု၊ သာဓကအားဖြင့် ရင်းနှီးမြှုပ်နှံမှုများအတွက် ငွေကြေး ထောက်ပံ့ခြင်း သို့မဟုတ် နည်းပညာ အထောက်အပံ့ရန်ပုံငွေ)၊ KfW ဖွံ့ဖြိုးမှုဘဏ်နှင့်အတူ လက်အောက်ခံဘဏ် နှစ်ခုဖြစ်သော KfW IPEX ဘဏ် နှင့် DEG သည် လုပ်ငန်းများကို ကျယ်ကျယ်ပြန့်ပြန့် ဆောင်ရွက်နေပြီး KfW IPEX ဘဏ်မှာ နိုင်ငံတကာစီမံကိန်းနှင့် ပို့ကုန်ဆိုင်ရာ ဘဏ္ဍာငွေထောက်ပံ့ခြင်းများ ဆောင်ရွက်ပြီး DEG သည် ဖွံ့ဖြိုးဆဲနိုင်ငံများတွင် ရင်းနှီးမြှုပ်နှံသည့် ကုမ္ပဏီများကို အကြံဉာဏ်ပေးခြင်းနှင့် ငွေကြေးထောက်ပံ့ခြင်းများ လုပ်ဆောင်ပါသည်။

မြန်မာနိုင်ငံနှင့် ဘဏ္ဍာရေး ပူးပေါင်းဆောင်ရွက်ရေး ပထမအဆင့်တွင် စုစုပေါင်း ယူရို ငွေ သန်း ၅၀၀ နီးပါးခန့်ရှိ လုပ်ငန်းကို ၁၉၆၂ ခုနှစ်မှ ၁၉၈၈ ခုနှစ်ထိတိုင်အောင် ဆောင်ရွက် ခဲ့ပါသည်။ ၂၀၁၂ ခုနှစ်တွင် ဂျာမနီနိုင်ငံသည် ဖွံ့ဖြိုးမှုပူးပေါင်းဆောင်ရွက်ရေး လုပ်ငန်းများကို မြန်မာနိုင်ငံ၌ ပြန်လည်စတင်ခဲ့ပြီး ဘဏ္ဍာရေး ပူးပေါင်းဆောင်ရွက်မှုကို ၂၀၁၃ ခုနှစ် ဇူလိုင်လ တွင် ပြန်လည် ဆောင်ရွက်ခဲ့ပါသည်။ ၂၀၁၄ ခုနှစ် ဖေဖော်ဝါရီလတွင် ဘဏ္ဍာရေးဝန်ကြီးဌာန နှင့် KfW တို့အကြား သဘောတူ လက်မှတ်ရေးထိုးခဲ့သော ယူရိုငွေ ၂၈၅ သန်း ပမာဏရှိ ဂျာမန်ကြွေးမြီဖြေလျှော့ရေး ရန်ပုံငွေအပြင် ယူရိုငွေ ၁၄၁ သန်းကို ဂျာမန်စီးပွားရေး ပူးပေါင်း ဆောင်ရွက်ရေးနှင့် ဖွံ့ဖြိုးမှုဝန်ကြီးဌာနက ပထမ ခြောက်နှစ်အတွင်း ဆောင်ရွက်ခဲ့ပြီးဖြစ် ပါသည်။ အဆိုပါ ဘဏ္ဍာရေးပူးပေါင်းဆောင်ရွက်မှု ရန်ပုံငွေကို ယူရိုငွေ ၁၁၂.၂၄ သန်း (အကူအညီ)နှင့် ယူရိုငွေ ၂၈.၈၈ သန်း (ချေးငွေ) ဟူ၍ ပိုင်းခြားထားပါသည်။

မြန်မာ-ဂျာမန် ဖွံ့ဖြိုးမှုပူးပေါင်းဆောင်ရွက်ရေး မူဘောင်အတွင်းတွင် KfW ၏ လုပ်ငန်းများသည် အဓိကကျသည့် ကဏ္ဍ နှစ်ခုအပေါ်တွင် အခြေတည်ထားပါသည်။

ရေရှည်တည်တံ့သည့် စီးပွားရေးပူးပေါင်း ဆောင်ရွက်မှုကဏ္ဍ

• အသေးစား၊ အလတ်စား လုပ်ငန်းများအတွက် သင့်လျော်သည့် ငွေကြေးထောက်ပံ့ ခြင်းနှင့် ဝယ်လိုအား တည်ငြိမ်မှုကို အရင်းတည်သည့် ဘဏ္ဍာရေးကဏ္ဍ။ အဆိုပါ အစီအစဉ်ကို တရားဝင်ဘဏ်လုပ်ငန်း ကဏ္ဍမှတစ်ဆင့် စီမံကိန်းနှင့် ဘဏ္ဍာရေး ဝန်ကြီးဌာန လက်အောက်ရှိ ငွေတိုက်ဦးစီးဌာနနှင့် အကောင်အထည်ဖော် ဆောင်ရွက်လျက် ရှိပါသည်။

• အဆင့်မြင့် အရည်အချင်းများ ဖွံ့ဖြိုးတိုးတက်မှုနှင့် လက်ရှိ အသက်မွေးပညာ သင်တန်း ကျောင်းများကို အဆင့်မြှင့်တင်ခြင်းနှင့် ပြန်လည်ထူထောင်ခြင်းတို့ လုပ်ဆောင်ပြီး နည်းပညာဆိုင်ရာ အသက်မွေးပညာနှင့် လေ့ကျင့်သင်ကြားရေးကဏ္ဍကို အဆင့်မြှင့် တင်ခြင်း။ အဆိုပါအစီအစဉ်ကို စက်မှုဝန်ကြီးဌာန၊ ပညာရေးဝန်ကြီးဌာနတို့နှင့် အကောင်အထည်ဖော် ဆောင်ရွက်လျက်ရှိပါသည်။

ကျေးလက်ဖွံ့ဖြိုးရေးကဏ္ဍ

• စျေးများ၊ ကျောင်းများ၊ ဆေးရုံဆေးခန်းများနှင့် အခြားအဖွဲ့အစည်းများကို ကျေးလက် နေပြည်သူများ ရရှိလက်လှမ်းမှီစေရန်အလို့ငှာ ကျေးလက်လမ်းများ၊ တံတားများ တည်ဆောက်ခြင်း။ အဆိုပါအစီအစဉ်ကို ဆောက်လုပ်ရေးဝန်ကြီးဌာန လက်အောက်ရှိ ကျေးလက်လမ်း ဖွံ့ဖြိုးတိုးတက်ရေးဦးစီးဌာနနှင့် အကောင်အထည်ဖော် ဆောင်ရွက် လျက်ရှိပါသည်။

• လူမှုရေး၊ စီးပွားရေး ဖွံ့ဖြိုးတိုးတက်မှု ကနဦးအနေဖြင့် ကျေးလက်ဒေသ လျှပ်စစ် ဓာတ်အားရရှိရေး တိုးချဲ့ဆောင်ရွက်ခြင်း။ အဆိုပါအစီအစဉ်သည် အမျိုးသားလျှပ်စစ် ဓာတ်အားရရှိရေးစီမံကိန်း (NEP) နှင့်အညီ ဆောင်ရွက်ခြင်းဖြစ်ပါသည်။ ၎င်းတွင် ဝေးလံခေါင်ဖျားဒေသများအတွက် အိမ်တွင်းနေရောင်ခြည်သုံးစနစ်နှင့် ရှမ်းပြည်နယ်ရှိ ကျေးလက်ဒေသများကို လျှပ်စစ်ဓာတ်အားသွယ်တန်းရေး တိုးချဲ့ ဆောင်ရွက်ခြင်းများ ပါဝင်ပါသည်။ အဆိုပါအစီအစဉ်ကို စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီး ဌာန လက်အောက်ရှိ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ လျှပ်စစ်နှင့် စွမ်းအင် ဝန်ကြီးဌာနလက်အောက်ရှိ လျှပ်စစ်ဓာတ်အား ဖြန့်ဖြူးရေးလုပ်ငန်းတို့နှင့် အကောင် အထည် ဖော်ဆောင်ရွက်လျက်ရှိပါသည်။

• အဓိက ကဏ္ဍများတွင်သာမက ဇီဝမျိုးစုံ၊ မျိုးကွဲများနှင့် ပတ်ဝန်းကျင် ထိန်းသိမ်း ကာကွယ်ရေးကဏ္ဍရှိ စီမံချက်များကို သယံဇာတနှင့် သဘာဝပတ်ဝန်းကျင် ထိန်းသိမ်း ရေးဝန်ကြီးဌာနနှင့်အတူ ပံ့ပိုးဆောင်ရွက်ပြီး ရွာထောင်ရှိ ရထားစက်ခေါင်းပြင် အလုပ် ရုံကို ပို့ဆောင်ရေးနှင့် ဆက်သွယ်ရေးဝန်ကြီးဌာနအောက်ရှိ မြန်မာ့မီးရထားနှင့် အကောင်အထည်ဖော် ဆောင်ရွက်လျက်ရှိပါသည်။

KfW Entwicklungsbank

အကြောင်း

Financials