International Organisation for Migration(IOM)

၁၉၅၁ ခုနှစ်တွင် တည်ထောင်သည့် IOM သည် ရွေ့ပြောင်းနေထိုင်ခြင်းဆိုင်ရာ ကိစ္စရပ် များအတွက် အစိုးရအဖွဲ့စည်းများ၊ အစိုးရအဖွဲ့အစည်းအချင်းချင်းနှင့် အစိုးရမဟုတ်သည့် အဖွဲ့အစည်းများအကြား အနီးကပ်ပူးပေါင်းဆောင်ရွက်ရာတွင် ဦးဆောင်အဖွဲ့အစည်း ဖြစ်ပါသည်။ အဖွဲ့ဝင် ၁၅၆ နိုင်ငံရှိပြီး နောက်ထပ် ၁၀ နိုင်ငံသည် လေ့လာသူအဖြစ် ပါဝင်ပြီး နိုင်ငံပေါင်း ၁၀၀ ကျော်တွင် ရုံးခွဲများဖွင့်လှစ်ထားပါသည်။ IOM သည် လူသားချင်း စာနာမှုနှင့် ရွေ့ပြောင်းနေထိုင်ခြင်း၏ အကျိုးကျေးဇူးတိုးမြှင့်ရရှိရေးကို ဦးတည်ဆောင်ရွက် လျက်ရှိပါသည်။ ယင်းသို့ ဆောင်ရွက်ခြင်းဖြင့် အစိုးရအဖွဲ့များနှင့် ရွေ့ပြောင်းနေထိုင်ခြင်း ဆိုင်ရာ ဝန်ဆောင်မှုလုပ်ငန်းများနှင့် အကြံဉာဏ်များ ပေးအပ်လျက်ရှိပါသည်။ IOM သည် ရွေ့ပြောင်းနေထိုင်ခြင်းဆိုင်ရာ လူသားအရင်းအမြစ် စီမံခန့်ခွဲမှုနှင့် စီစဉ်ဆောင်ရွက်ခြင်း များကို ကူညီဆောင်ရွက်ပေးပြီး ဒုက္ခသည်များနှင့် နေရပ်စွန့်ခွာသူများအတွက် နိုင်ငံတကာ ပူးပေါင်းဆောင်ရွက်မှုများကို တိုးမြှင့်ခြင်း၊ ကြုံတွေ့ရသည့် အခက်အခဲများကို လက်တွေ့ ကျကျ ဖြေရှင်းနိုင်ရန် နည်းလမ်းများ ရှာဖွေခြင်းနှင့် ရွေ့ပြောင်းနေ ထိုင်ခြင်းအတွက် လူသားချင်းစာနာမှု အကူအညီများ ပေးအပ်ခြင်းများကို ဆောင်ရွက်ပေးပါသည်။ IOM ၏ အခြေခံဥပဒေသသည် ရွေ့ပြောင်းနေထိုင်ခြင်းနှင့် စီးပွားရေး၊ လူမှုရေးနှင့် ယဉ်ကျေးမှုများ ဖွံ့ဖြိုးတိုးတက်စေရေးအတွက် ချိတ်ဆက်ဆောင်ရွက်ခြင်းနှင့် လွတ်လပ်စွာ ရွေ့ပြောင်း နိုင်သည့် အခွင့်အရေးများရရှိရန်လည်း ဆောင်ရွက်ပါသည်။ ထို့ပြင် ရွေ့ပြောင်းနေထိုင်ခြင်း ဆိုင်ရာ စီမံခန့်ခွဲမှုအတွက် နယ်ပယ်လေးခုတွင် ကျယ်ပြန့်စွာ ဆောင်ရွက်လျက်ရှိပါသည်- ရွေ့ပြောင်းနေထိုင်ခြင်းနှင့် ဖွံ့ဖြိုးတိုးတက်မှု၊ ရွေ့ပြောင်းနေထိုင်ခြင်းဆိုင်ရာ ပူးပေါင်း ဆောင်ရွက်မှု၊ ရွေ့ပြောင်းနေထိုင်ခြင်းဆိုင်ရာ စည်းမျဉ်းစည်းကမ်းများ ရေးဆွဲခြင်း၊ ရွေ့ပြောင်းနေထိုင်ခြင်းကို အားပေးကူညီခြင်းတို့ဖြစ်သည်။

IOM ၏လုပ်ငန်းဆောင်ရွက်မှုများသည် နိုင်ငံတကာရွေ့ပြောင်းနေထိုင်ခြင်းဆိုင်ရာ ဥပဒေ၊ မူဝါဒဆွေးနွေးပွဲများနှင့် လမ်းညွှန်ချက်များ၊ ရွေ့ပြောင်းနေထိုင်သူများ၏ အခွင့်အရေးများ ကို ကာကွယ်ခြင်း၊ ရွေ့ပြောင်းနေထိုင်ခြင်းဆိုင်ရာ ကျန်းမာရေးနှင့် ကျား/မ တန်းတူညီမျှရှိ ရေး ကိစ္စရပ်များကို ဆောင်ရွက်ပေးပါသည်။

International Organisation for Migration

အကြောင်း

Financials