နောက်ခံသမိုင်းကြောင်း

ADB သည် မြန်မာနိုင်ငံနှင့် ပူးပေါင်းဆောင်ရွက်မှုများအရ ၂၀၁၂ ခုနှစ်တွင် ပြန်လည် စတင်ခဲ့ပါသည်။ ADB သည် အစိုးရအဖွဲ့အစည်းများ၊ လူမှုအဖွဲ့အစည်းများ၊ ပုဂ္ဂလိကဏ္ဍ များနှင့် အခြားဖွံ့ဖြိုးမှုမိတ်ဖက် အဖွဲ့အစည်းများနှင့် ဆွေးနွေးမှုများ ပြုလုပ်ခဲ့ပြီး အဆင့်ဆင့် ချဉ်းကပ် ဆောင်ရွက်ခဲ့ပါသည်-

• စီးပွားရေးနှင့် ကဏ္ဍအလိုက် လေ့လာမှုများကို ဘက်စုံ ပြင်ဆင်ခဲ့ခြင်း၊

• မြန်မာနိုင်ငံအတွက် ကြားဖြတ်နိုင်ငံဆိုင်ရာ ပူးပေါင်းဆောင်ရွက်မှု အစီအစဉ် ၂၀၁၂-၂၀၁၄ (၂၀၁၆ ခုနှစ်ထိ သက်တမ်းတိုး လုပ်ဆောင်ခဲ့ပါသည်)

• စွမ်းဆောင်ရည်ဖွံ့ဖြိုးမှုနှင့် မူဝါဒဆိုင်ရာ အကြံပေးခြင်း၊ နည်းပညာ ထောက်ပံ့မှု အစီအစဉ်ကို ကျယ်ပြန့်စွာ ဆောင်ရွက်ခဲ့ခြင်း၊

• အစိုးရအဖွဲ့အစည်းများနှင့် အစိုးရမဟုတ်သော အဖွဲ့အစည်းများ နှစ်မျိုးလုံးကို ချေးငွေများ ပြန်လည်ပေးအပ်ခဲ့ခြင်း၊

• ရန်ကုန်မြို့နှင့် နေပြည်တော်တို့တွင် ADB မြန်မာနိုင်ငံဆိုင်ရာ ကိုယ်စားလှယ် ရုံးများကို တည်ထောင်ခဲ့ခြင်း၊

• မြန်မာနိုင်ငံသို့ ထောက်ပံ့မှု ပေးအပ်ရန် ကျွမ်းကျင်ပညာရှင်များ ပါဝင်သည့် အဖွဲ့အစည်းဖြင့် ဆောင်ရွက်ခဲ့ခြင်း။

ပထမဦးစွာ မြန်မာနိုင်ငံအတွက် ADB ၏ နိုင်ငံလုံးဆိုင်ရာ မိတ်ဖက်မဟာဗျူဟာ (၂၀၁၇-၂၀၂၁) ကို ၂၀၁၇ ခုနှစ် မတ်လတွင် အတည်ပြုနိုင်ခဲ့ပြီး ဆင်းရဲနွမ်းပါးမှု လျော့ချစေရန် အလုပ်အကိုင်များ ဖန်တီးပေးခြင်းနှင့် စီးပွားရေးဖွံ့ဖြိုးတိုးတက်မှုကို ရေရှည်တည်တံ့စေရန် အတွက် အခြေခံကျသည့်နေရာများတွင် အစိုးရအပေါ်ထောက်ပံ့ပေးမှုကို အလေးပေးဆောင်ရွက် လျက်ရှိသည်။

ADB မှ ဦးစားပေးဆောင်ရွက်မည့် လုပ်ငန်းများ

၁။ ကျေးလက်နှင့် မြို့ပြဒေသများ ဈေးကွက်နှင့် ချိတ်ဆက် ဆောင်ရွက်မှုကို တိုးမြှင့်ရန်နှင့် မြန်မာနိုင်ငံကို ဒေသတွင်းနှင့် နိုင်ငံတကာဈေးကွက်တို့နှင့် ချိတ်ဆက် ဆောင်ရွက်ပေးရန်၊

၂။ စီးပွားရေးဖွံ့ဖြိုး တိုးတက်လာခြင်းဖြင့် အကျိုးအမြတ်ရရှိစေရန်၊ ကျွမ်းကျင် လုပ်သား အဖွဲ့အစည်း တိုးမြှင့်ရန်နှင့် အလုပ်အကိုင် တိုးတက်စေရေးအတွက် လူ့စွမ်းအားအရင်းအမြစ် အားကောင်းခိုင်မာစေရန်နှင့် ဆင်းရဲမှုလျှော့ချရေး အထောက်အကူ ဖြစ်စေရန်၊

၃။ အဖွဲ့အစည်းဆိုင်ရာ ပြုပြင်ပြောင်းလဲမှုများ တိုးမြှင့်ဆောင်ရွက်ခြင်းဖြင့် ခေတ်မီ ဖွံ့ဖြိုးသော စီးပွားရေး ဖြစ်လာစေရေး အထောက်အပံ့ပေးရန်၊

ထိုသို့ ဦးစားပေး အကောင်အထည်ဖော်ဆောင်ရွက်ရာတွင် အခြေခံအဆောက်အဦ ကဏ္ဍများ (စွမ်းအင်၊ ပို့ဆောင်ရေးနှင့် မြို့ပြဖွံ့ဖြိုးတိုးတက်ရေး)ကို အဓိကထား၍ ထောက်ပံ့ပေးရန်၊ ပူးပေါင်းပါဝင်မှု တိုးမြှင့်ဆောင်ရွက်ရန်၊ ကျေးလက်ဒေသ ဖွံ့ဖြိုးရေးအတွက် ပညာရေးနှင့် ကျန်းမာရေးကဏ္ဍများကို ဗဟိုပြု ထောက်ပံ့ပေးရန်အတွက် ဦးစားပေး အကောင်အထည် ဖော်သွားမည် ဖြစ်ပါသည်။

မြန်မာနိုင်ငံ၏ အသွင်ကူးပြောင်းမှု လုပ်ငန်းစဉ်များ အရှိန်အဟုန်မြှင့်တင်ရာတွင်ADB သည် ဖွံ့ဖြိုးရေးနှင့် အုပ်ချုပ်ရေးကဏ္ဍ၊ ပုဂ္ဂလိကဖွံ့ဖြိုးတိုးတက်ရေးကဏ္ဍ၊ သဘာဝပတ်ဝန်းကျင်နှင့် ရာသီဥတုပြောင်းလဲမှု၊ သဘာဝဘေးအန္တရာယ်စီမံခန့်ခွဲမှု၊ ဒေသဆိုင်ရာပူးပေါင်း ဆောင်ရွက်မှု များနှင့် ကျား/မ တန်းတူညီမျှရှိမှုများကို အဓိကထားဆောင်ရွက်ရန် စွမ်းဆောင်ရည်များ မြှင့်တင်မည်ဖြစ်ပါသည်။

ADB သည် မြန်မာနိုင်ငံတွင် အဓိကကဏ္ဍများဖြစ်သည့် ပို့ဆောင်ရေးကဏ္ဍ၊ စွမ်းအင်ကဏ္ဍ၊ ပညာရေးကဏ္ဍ၊ မြို့ပြဖွံ့ဖြိုးတိုးတက်ရေးကဏ္ဍနှင့် ကျေးလက်ဒေသ ဖွံ့ဖြိုးတိုးတက်ရေး လိုအပ်ချက်များကို Pipeline Project အဖြစ် တည်ထောင်ခဲ့ပါသည်။ ထိုစီမံကိန်းများကို ကချင်ပြည်နယ်၊ မွန်ပြည်နယ်နှင့် မန္တလေးတိုင်းဒေသကြီးများ၏ စီးပွားရေးဖွံ့ဖြိုးတိုးတက်မှု စင်္ကြံတစ်လျှောက်တွင် အဓိကထား ဆောင်ရွက်မည်ဖြစ်ပါသည်။

ချေးငွေပမာဏ စုစုပေါင်း (၂)ဘီလီယံခန့် (နှစ်စဉ် ပျမ်းမျှ ၅၀၀ မီလီယံ) ရင်းနှီးမြှပ်နှံမှု ထောက်ပံငွေပမာဏ (၄၁) မီလီယံနှင့် နည်းပညာအကူအညီ ထောက်ပံ့ငွေ ပမာဏ (၄၆) မီလီယံ ကို ၂၀၁၃-၂၀၁၆ ခုနှစ်အတွက် ပေးအပ်ရန် ADB မှ အတည်ပြုခဲ့ပါသည်။ ADB အနေဖြင့် အစိုးရတွင် ပါဝင်သည့် အဓိကသက်ဆိုင်သူများ၊ လူမှုအဖွဲ့အစည်းများ၊ စီးပွားရေးလုပ်ငန်းများ နှင့် အခြားဖွံ့ဖြိုးမှု မိတ်ဖက်အဖွဲ့အစည်းများနှင့် ပူးပေါင်းဆောင်ရွက်မှုများကို ဦးစားပေး ဆောင်ရွက်သွားမည်ဖြစ်ပါသည်။

Asian Development Bank

အကြောင်း

Financials