နောက်ခံသမိုင်းကြောင်း

UNOPS အဖွဲ့သည် ဝန်ဆောင်မှုပေးခြင်း၊ နည်းပညာဆိုင်ရာ အကြံဉာဏ်ပေးခြင်း၊ စီမံကိန်းများ အကောင်အထည်ဖော်ခြင်းတို့ကို ဆောင်ရွက်ပေးသည့် အဖွဲ့အစည်း ဖြစ်ပါသည်။ ကမ္ဘာ့တစ်ဝန်းရှိ နိုင်ငံပေါင်း ၈၀ ကျော်တို့တွင် ငြိမ်းချမ်းရေးနှင့် လုံခြုံရေး၊ လူသားချင်းစာနာထောက်ထားမှုနှင့် ဖွံ့ဖြိုးမှုဆိုင်ရာ ဖြေရှင်းနည်းများကို မိတ်ဖက်အဖွဲ့ များသို့ ကူညီပံ့ပိုးပေးခဲ့ပါသည်။

၁၉၉၆ ခုနှစ်ကစ၍ UNOPS အဖွဲ့သည် မြန်မာနိုင်ငံတွင် လုပ်ငန်းများ ဆောင်ရွက် ခဲ့ပါသည်။ မြန်မာနိုင်ငံတော်အစိုးရ၊ နှစ်နိုင်ငံအလှူရှင်များနှင့် ကုလသမဂ္ဂအဖွဲ့အစည်းများ အထိ ပါဝင်သည့် မိတ်ဖက်အဖွဲ့များ အောင်မြင်မှုရရှိစေရန် ကြိုးပမ်းဆောင်ရွက်ခဲ့ပါသည်။ UNOPS Myanmar ၏ လုပ်ငန်းအများစုမှာ အတိုင်းအတာ ကျယ်ပြန့်သည့် ကျန်းမာရေး အစီအစဉ်များနှင့် အလှူရှင်အမြောက်အမြားပါဝင်သည့် ဖွံ့ဖြိုးမှု ရန်ပုံငွေတို့အောက်မှ လုပ်ကိုင်ဆောင်ရွက်လျက်ရှိပါသည်။

UNOPS အဖွဲ့သည် အေအိုင်ဒီအက်စ် တိုက်ဖျက်ရေး ကမ္ဘာ့ရန်ပုံငွေ၊ မြန်မာနိုင်ငံ ဆိုင်ရာ တီဘီရောဂါနှင့် မလေးရီးယားနှင့် ကမ္ဘာ့ရန်ပုံငွေက ထောက်ပံ့ထားသည့် မလေးရီးယား ပပျောက်ရေး ဦးတည်သည့် ဒေသတွင်း အာတီမင်စင်နင် ခုခံကာကွယ်ရေး စီမံချက်တို့အတွက် ရန်ပုံငွေ အဓိက လက်ခံရရှိသည့် အဖွဲ့ဖြစ်ပါသည်။ UNOPS အဖွဲ့က စီမံကြီးကြပ်သည့် မြန်မာနိုင်ငံရှိ အလှူရှင်အမြောက်အမြားပါဝင်သည့် ရန်ပုံငွေထဲမှ အများဆုံး သုံးခုမှာ

• အသက်မွေးဝမ်းကျောင်းနှင့် အစားသောက်ဘေးကင်းလုံခြုံရေးရန်ပုံငွေ (LIFT)

• ထောင်စုနှစ်သုံးခု ဖွံ့ဖြိုးမှု ပန်းတိုင် ရန်ပုံငွေ (3MDG)

• ငြိမ်းချမ်းရေးပူးတွဲ ရန်ပုံငွေ (JPF)

ထို့အပြင် အထူးသဖြင့် အခြေခံအဆောက်အအုံနှင့် ပစ္စည်းဝယ်ယူခြင်း နယ်ပယ်များတွင် စီမံကိန်းတစ်ခုချင်းကို စုစည်းထားသည့် အစုအဝေးကို အကောင်အထည်ဖော် ဆောင်ရွက် လျက်ရှိပါသည်။

UNOPS Myanmar သည် မိတ်ဖက်အဖွဲ့ ၈၀ ကျော်နှင့်အတူ လက်တွဲ ဆောင်ရွက်နေ သကဲ့သို့ နိုင်ငံတစ်ဝှမ်းတွင် ဝန်ထမ်းပေါင်း ၄၅၀ ကျော်ကိုလည်း ခန့်ထားလျက်ရှိပါသည်။ ၂၀၁၇ ခုနှစ်တွင် မြန်မာနိုင်ငံ၌ ထည့်ဝင်အသုံးပြုခဲ့သည့် ငွေပမာဏမှာ ခန့်မှန်းခြေ အမေရိကန်ဒေါ်လာ ၂၄၅ သန်းခန့် ဖြစ်ပါသည်။ UNOPS ၏ မြန်မာနိုင်ငံတွင် လက်ရှိ ဆောင်ရွက်နေသည့် လုပ်ငန်းများကို ရန်ပုံငွေ ထောက်ပံ့ပေးနေသည့် အဖွဲ့အစည်းများမှာ အာရှဖွံ့ဖြိုးရေးဘဏ်၊ သြစတေးလျ၊ ကနေဒါ၊ ဒိန်းမတ်၊ ဥရောပသမဂ္ဂအဖွဲ့၊ ဖန်လန်၊ ပြင်သစ်၊ ကမ္ဘာလုံးဆိုင်ရာရန်ပုံငွေ၊ မြန်မာနိုင်ငံတော်အစိုးရ၊ အိုင်ယာလန်၊ အီတလီ၊ ဂျပန်၊ လူဇင်ဘတ်၊ မစ်ဆူဘစ်ရှီ ကော်ပိုရေးရှင်း၊ နယ်သာလန်၊ နယူးဇီလန်၊ နော်ဝေ၊ အော်ရီဒူး၊ ရရှား၊ ဆွီဒင်၊ ဆွစ်ဇာလန်၊ ယူကေ၊ အမေရိကန်နှင့် ကမ္ဘာ့ဘဏ်တို့ ဖြစ်ကြပါသည်။

ကမ္ဘာတစ်ဝှမ်းတွင် UNOPS အဖွဲ့သည် ငြိမ်းချမ်းရေးနှင့် လုံခြုံရေး၊ လူသားချင်း စာနာထောက်ထားမှုနှင့် ဖွံ့ဖြိုးမှုဆိုင်ရာ ဖြေရှင်းနည်းများကို ပံ့ပိုးပေးခြင်းဖြင့် ကုလသမဂ္ဂ အဖွဲ့အစည်းနှင့် အခြားမိတ်ဖက်အဖွဲ့များကို ကူညီလျက်ရှိပါသည်။ ၎င်း၏ အထူးတာဝန်မှာ လူထုအနေဖြင့် ပိုမိုကောင်းမွန်သော ဘဝများတည်ဆောက်နိုင်ရေးနှင့် နိုင်ငံများအနေဖြင့် ငြိမ်းချမ်းရေးနှင့် ရေရှည်တည်တံ့သော ဖွံ့ဖြိုးတိုးတက်မှု ရရှိနိုင်စေရေး ကူညီဆောင်ရွက်ရန် ဖြစ်ပါသည်။ ၎င်းသည် အကောင်အထည်ဖော်ဆောင်ရွက်မှုများတွင် အာရုံစူးစိုက်ခြင်း၊ UN ၏ တန်ဖိုးသတ်မှတ်ချက်များနှင့် ပုဂ္ဂလိကကဏ္ဍ ပိုမိုထိရောက် ကောင်းမွန်စေရန် ကြိုးပမ်း ဆောင်ရွက်ခြင်းနှင့် ၎င်းသည် အခွန်ဆောင်သူများထံမှ အဓိက ရန်ပုံငွေရရှိခြင်း မရှိသော ကုလသမဂ္ဂအဖွဲ့၏ တခုတည်းသော အဖွဲ့ငယ်ဖြစ်ပါသည်။ ၎င်းတို့၏ ဝန်ဆောင်မှုလုပ်ငန်း များတွင် အခြေခံအဆောက်အအုံ၊ စီမံကိန်းစီမံခန့်ခွဲခြင်း၊ ပစ္စည်းဝယ်ယူခြင်း၊ ဘဏ္ဍာရေး စီမံခန့်ခွဲခြင်းနှင့် လူ့အရင်းအမြစ်စသည့် နယ်ပယ်များ အကျုံးဝင်ပါသည်။ UNOPS အဖွဲ့ ထံသို့ မိတ်ဖက်အဖွဲ့များက ၎င်းတို့၏ စွမ်းရည်များကို ဖြည့်စွမ်းပေးရန်၊အရှိန်မြှင့်တင် ပေးရန်၊ ဆုံးရှံးနိုင်ခြေများ လျှော့ချရန်၊ Cost-effectiveness တိုးမြှင့်ရန် အရည်အသွေး မြင့်မားစေရန် တောင်းဆိုထားပါသည်။

United Nations Office for Project Services

အကြောင်း

Financials