နောက်ခံသမိုင်းကြောင်း

USAID အဖွဲ့သည် လွန်ခဲ့သည့် နှစ်ပေါင်း (၂၀) ကျော်ကတည်းက မြန်မာနိုင်ငံ ထိခိုက်လွယ်သည့် ပြည်သူများကို ထိုင်းနိုင်ငံနယ်စပ် တစ်လျှောက်တွင်လည်းကောင်း၊ ဧရာဝတီမြစ်ဝ ကျွန်းပေါ်ဒေသနှင့် အလယ်ပိုင်း အပူပိုင်းဇုန်ဒေသများတွင်လည်းကောင်း လူသားချင်း စာနာထောက်ထားမှု အကူအညီများ ကူညီပံ့ပိုးပေးခဲ့ပါသည်။ ၂၀၁၂ ခုနှစ်တွင် USAID အဖွဲ့သည် မြန်မာနိုင်ငံနှင့် တရားဝင် စတင် ပူးပေါင်းဆောင်ရွက်ခြင်းပြီး ကြီးမားသည့် ပြုပြင်ပြောင်းလဲမှုများတွင် ထိထိရောက်ရောက် ပံ့ပိုးပေးခဲ့ ပါသည်။

USAID အဖွဲ့သည် အမေရိကန်နိုင်ငံတွင် သယံဇာတအရင်းအမြစ်များကို အထိရောက်ဆုံး အသုံးချနိုင်ရန် ကြိုးပမ်းလျက်ရှိပါသည်။ ၎င်းသည် ပြည်တွင်း စီးပွားရေးလုပ်ငန်းများနှင့် အစုစပ် ဆောင်ရွက်ခြင်း၊ ပုဂ္ဂလိကကဏ္ဍဖွံ့ဖြိုးတိုးတက်အောင် ဆောင်ရွက်ခြင်းနှင့် နေရပ်စွန့်ခွာသူများကို ကူညီပံ့ပိုးပေးခြင်းစသည့် လူ့အဖွဲ့အစည်း၏ အဓိကကျသည့် မိတ်ဖက်များအဖြစ် ကူညီပေးလျက်ရှိပါ သည်။

ထိခိုက်လွယ်သည့် ပြည်သူများ ကြံ့ကြံ့ခံအားကောင်းလာစေရန်နှင့် အရေးအခင်းကိစ္စရပ်များကို ကြုံတွေ့ခဲ့ရသူများ (အထူးသဖြင့် ရခိုင်ပြည်နယ်နှင့် ကချင်ပြည်နယ်တို့ရှိ ပြည်သူများ)၏ လိုအပ်ချက် များကို ဖြည့်ဆည်းပေးနိုင်ရန် ကူညီပံ့ပိုးပေးပါသည်။

ဒီမိုကရေစီ၊ လူ့အခွင့်အရေးနှင့် အုပ်ချုပ်ရေး

USAID အဖွဲ့သည် ရွေးကောက်ပွဲကော်မရှင်၊ နိုင်ငံရေးပါတီများ၊ လူမှုအဖွဲ့အစည်းနှင့် မီဒီယာ များ ယုံကြည်မှုရှိလာစေရေး၊ ပွင့်လင်းမြင်သာပြီး အားလုံးပါဝင်သည့် ရွေးကောက်ပွဲများ ဖြစ်လာစေရန်၊ တရားဥပဒေစိုးမိုးရေးနှင့် လူ့အခွင့်အရေး၊ ပွင့်လင်းမြင်သာပြီး တာဝန်ယူမှုရှိသည့် အုပ်ချုပ်မှုစနစ်များ တိုးတက်စေရန်၊ မီဒီယာလွတ်လပ်မှု၊ ပဋိပက္ခနှင့် သဘာဝဘေးဒဏ်ခံ လူထုအခြေပြု လူ့အဖွဲ့အစည်းနှင့် တစ်ဦးစီ ပါဝင်ရေးတို့အတွက်လည်း အထောက်အကူပေးပါသည်။ ကာလရှည်ကြာ ဖြစ်ပေါ်နေသည့် ပဋိပက္ခများကို ခိုင်မာသည့် ငြိမ်းချမ်းရေးရရှိရန်နှင့် အားလုံးပါဝင်သော ပွင့်လင်းမြင်သာသည့် နိုင်ငံရေးနှင့် သက်ဆိုင်သည့် ဆုံးဖြတ်ချက်များ ချမှတ်နိုင်ရန်လည်း ကူညီပေးပါသည်။ ဖြစ်ပေါ်နေသော ပဋိပက္ခများကို ပိုမို မဆိုးရွားလာစေရန်နှင့် အနာဂတ်တွင် လူမှုအသိုင်းအဝိုင်း အားလုံးပါဝင်သည့် အနာဂါတ်တစ်ခု တည်ဆောက်နိုင်ရေးအတွက်လည်း အစီအစဉ်များ ရေးဆွဲလျက် ရှိပါသည်။

စီးပွားရေးဖွံ့ဖြိုးမှုနှင့် စိုက်ပျိုးရေး

USAID အဖွဲ့သည် ပြည်တွင်းစီးပွားရေးလုပ်ငန်းများ ရှင်သန်ဖွံ့ဖြိုးရေး၊ ပြည်သူများအတွက် အဓိက ကျသည့် စီးပွားရေး အခွင့်အလမ်းအသစ်များ ဖန်တီးပေးနိုင်ရေးနှင့် အသေးစားတောင်သူများ၏ အသက် မွေးဝမ်းကျောင်းလုပ်ငန်းများ တိုးတက်စေရေး ပံ့ပိုးပေးပါသည်။ ထို့ပြင် လုံခြုံရေးတိုးတက်ကောင်းမွန် စေရန်၊ ကောင်းမွန်သည့် စီးပွားရေးဝန်းကျင်ဝန်းကျင်တွင် အုပ်ချုပ်မှုစနစ် ကောင်းမွန်လာစေရန်နှင့် ပွင့်လင်းမြင်သာမှု ရှိလာစေရန် ဖြစ်ပါသည်။ မြန်မာနိုင်ငံတွင် လူဦးရေ၏ ၇၀ ရာခိုင်နှုန်းမှာ စိုက်ပျိုးရေး လုပ်ငန်းအပေါ် မှီခိုနေပြီး၊ ဈေးကွက်အနေအထား၊ သွင်းကုန်များနှင့် အသိပညာများ တိုးတက်လာစေခြင်းဖြင့် အသေးစားတောင်သူများနှင့် အသေးစားနှင့်အလတ်စား စီးပွားရေးလုပ်ငန်းများကို ကူညီပံ့ပိုးပေးလျက် ရှိပါသည်။ စိုက်ပျိုးရေးကုန်ထုတ်စွမ်းအား၊ စားသောက်ကုန်များ ဘေးအန္တရာယ်ကင်းရှင်းရေး၊ စီးပွားရေး ဖွံ့ဖြိုးမှုနှင့် အသေးစားတောင်သူများ၏ အခွင့်အရေးများအပေါ် အကျိုးသက်ရောက်စေမည့် ပြုပြင် ပြောင်းလဲမှုများအတွက် မူဝါဒနှင့် အကောင်အထည်ဖော်ဆောင်ရွက်မှုများအတွက်လည်း ဆောင်ရွက်ပေး ပါသည်။

ကမ္ဘာလုံးဆိုင်ရာ ကျန်းမာရေး

နိုင်ငံလူဦးရေ၏ လေးပုံတစ်ပုံသည် တစ်ရက်လျှင် ဒေါ်လာ ၁.၂၅ အောက်တွင် ရှင်သန်နေထိုင်ကြ ရုံသာမက HIV ရောဂါ၊ ငှက်ဖျားဆေးယဉ်ပါးမှုနှင့် တီဘီဖြစ်ပွားမှုနှုန်းတို့သည်လည်း ဒေသတွင်း၌ အမြင့်ဆုံးအနေအထားတွင် ရှိနေပါသည်။ HIV ရောဂါ၊ ငှက်ဖျားနှင့် တီဘီရောဂါတို့၏ ဆေးယဉ်ပါးမှု ပြဿနာတို့ကဲ့သို့သော ကူးစက်ရောဂါများ ထိန်းချုပ်ခြင်းနှင့် ကာကွယ်ခြင်းစသည့် ကျန်းမာရေးစနစ်များ အားကောင်းလာစေရန် ပြည်သူများနှင့် ပူးပေါင်းဆောင်ရွက်လျက် ရှိပါသည်။ ထို့ပြင်မိခင်နှင့်ကလေး သေဆုံးမှုများ အဆုံးသတ်နိုင်ရေး ကမ္ဘာလုံးဆိုင်ရာ တုံ့ပြန်မှုတွင် ဝမ်းဆွဲဆရာများနှင့် လူထုအခြေပြု စေတနာ့ ဝန်ထမ်းများ၏ စွမ်းဆောင်ရည် တိုးတက်လာစေရန်နှင့် မိခင်နှင့်ကလေးကျန်းမာရေး တိုးတက်စေရေးတို့ကို ဆောင်ရွက်လျက် ရှိပါသည်။

U.S. Agency for International Development

About

Financials