ပိုလန်နိုင်ငံဖွံ့ဖြိုးတိုးတက်မှု ပူးပေါင်းဆောင်ရွက်ရေးအဖွဲ့အနေဖြင့် ၂၀၁၆ ခုနှစ်တွင် မြန်မာနိုင်ငံကို ဦးစားပေးနိုင်ငံများစာရင်းတွင် ထည့်သွင်းခဲ့ပါသည်။ ပိုလန်နိုင်ငံ အကူအညီ ပေးရေး အဖွဲ့အနေဖြင့် မြန်မာနိုင်ငံတွင် အဓိကချိတ်ဆက်နေသည့် ကဏ္ဍ(၂)ခုဖြစ်သည့် (၁) လူသားအရင်းအမြစ်နှင့် စွန့်ဦးတီထွင်မှုနှင့် (၂) ပုဂ္ဂလိကကဏ္ဍတို့ကို အဓိက ကူညီထောက်ပံ့ ပေးမည်ဖြစ်သည်။

ဦးစားပေး ကဏ္ဍတစ်ရပ်ဖြစ်သည့် လူသားအရင်းအမြစ်အတွက် အောက်ဖော်ပြပါ လုပ်ငန်းစဉ်များ ဖြစ်သည့် -

မိခင်များနှင့် ကလေးသူငယ်များကို ကျန်းမာရေးစောင့်ရှောက်မှုပေးခြင်း၊ ဝန်ဆောင်မှု တိုးမြှင့် ဆောင်ရွက်ပေးခြင်း၊ မူလတန်း၊ အလယ်တန်းနှင့် အထက်တန်းပညာရေးကို အရည်အသွေး ပြည့်မီသော ပညာရေးစနစ်အဖြစ်သို့ တိုးမြှင့်ခြင်းနှင့် စွန့်ပစ်ခံလူတန်းစားများအတွက် လူမှု ရေးဆိုင်ရာ ပေါင်းစပ်ညှိနှိုင်းခြင်းများ ဆောင်ရွက်ရာတွင် အထောက်အပံ့ပေးခြင်းတို့ကို ဆောင်ရွက်ပေးပါသည်။ ထိုသို့ဆောင်ရွက်ခြင်းဖြင့် အောက်ဖော်ပြပါ အကျိုးရလဒ်များရရှိမည် ဖြစ်ပါသည် -

• မိခင်နှင့် ကလေးသူငယ်များကို ပိုမိုကောင်းမွန်သည့် ကျန်းမာရေး စောင့်ရှောက်မှု ပေးရာတွင် အကောင်အထည်ဖော်ဆောင်နိုင်မှုကို တိုးမြှင့်လုပ်ဆောင်နိုင်ခြင်း

• ပညာရေးစနစ်နှင့် စပ်လျဉ်း၍ အတန်းတိုင်းတွင် အရည်အသွေးပြည့်မီသော သင်ကြားရေးစနစ်ကို တိုးမြှင့်ဆောင်ရွက်ခြင်းနှင့်

• စွန့်ပစ်ခံလူတန်းစားများအတွက် လူမှုရေးဝန်ဆောင်မှုများကို ပိုမိုကောင်းမွန်အောင် ဆောင်ရွက်နိုင်ရေးတို့အတွက် အဓိကသော့ချက် ဖြစ်လာမည်ဖြစ်သည်။

ပိုလန်နိုင်ငံ ဖွံ့ဖြိုးမှုပူးပေါင်းဆောင်ရွက်ရေးအဖွဲ့၏ ရည်မှန်းချက်များမှာ - ကမ္ဘာ့ဘဏ် အုပ်စု၏ မြန်မာနိုင်ငံပြန်တမ်းတွင် ပါဝင်သည့် အချက်အလက်များကို လေ့လာ ဆန်းစစ်ခြင်း (မြန်မာနိုင်ငံဆိုင်ရာ အလုံးစုံဖွံ့ဖြိုးမှုဆိုင်ရာ တရားဝင်အခွင့်အရေး) ဖြစ်ပါသည်။

အဆိုပါပြန်တမ်းအရ မြန်မာနိုင်ငံ၏ အသက်သွေးကြောဖြစ်သည့် စိုက်ပျိုးရေးကဏ္ဍ ဖွံ့ဖြိုးတိုးတက်ရေးကို အထောက်အပံ့ပေးနိုင်ရန်၊ ကျေးလက်ဒေသများ၏ လူနေမှုဘဝ၊ လူသားအရင်းအမြစ် ဖွံ့ဖြိုးတိုးတက်မှုနှင့် ပွင့်လင်းမြင်သာပြီး လိုက်လျောညီထွေမှုရှိသည့် လူမှုရေးအဖွဲ့အစည်းများအဖြစ် အရည်အသွေးမြှင့်တင်ရန်နှင့် အလုပ်အကိုင်များ ဖန်တီး ပေးခြင်း၊ စွမ်းဆောင်ရည် ပြည့်ဝသော ပုဂ္ဂလိကကဏ္ဍတစ်ရပ် လွယ်ကူလျင်မြန်စွာ ပေါ်ထွန်း လာရေးစသည်တို့ကို ဆောင်ရွက်ရာတွင် လွယ်ကူလျင်မြန်စွာ ဆောင်ရွက်သင့်ကြောင်း အကြံပြုချက်များ ပါဝင်ပါသည်။

Government of Poland

About

Financials