နိုင်ငံတကာကုန်သွယ်ရေးအဖွဲ့(International Trade Centre-ITC)

နိုင်ငံတကာကုန်သွယ်ရေးအဖွဲ့(ITC) သည် အသေးစားနှင့်အလတ်စား စီးပွားရေးလုပ်ငန်း (SMEs)များကို နိုင်ငံတကာနှင့်ဆက်သွယ်ဆောင်ရွက်ရန် ထောက်ပံ့ဆောင်ရွက်နေသည့် ဖွံ့ဖြိုးမှုအဖွဲ့အစည်းဖြစ်သည်။ ITC သည် SMEs များကို ပိုမိုယှဉ်ပြိုင်နိုင်စွမ်းရှိရန်၊ ကုန်သွယ်မှုနှင့် ရင်းနှီးမြှုပ်နှံမှုလုပ်ငန်းများကို နိုင်ငံတကာစျေးကွက်နှင့် ချိတ်ဆက်ရန် ကူညီပေးခြင်းဖြင့် အမျိုးသမီးများ၊ လူငယ်များ၊ ဆင်းရဲနွမ်းပါးသူများကို ဝင်ငွေတိုးမြှင့် စေပြီး အလုပ်အကိုင်အခွင့်အလမ်းများ ဖန်တီးပေးနိုင်မည်ဖြစ်ပါသည်။

ITC မစ်ရှင်သည် အားလုံးပါဝင်မှုနှင့် ရေရှည်တည်တံ့သည့် စီးပွားရေးဖွံ့ဖြိုးတိုးတက်မှုတို့ကို အားပေးဆောင်ရွက်ပြီး ကုလသမဂ္ဂ၏ ရေရှည်ဖွံ့ဖြိုးတိုးတက်မှုအတွက် ကမ္ဘာလုံးဆိုင်ရာ ရည်မှန်းချက်များ ရောက်ရှိအောင် ပါဝင်ဆောင်ရွက်ပါသည်။ ITC ၏ ရည်ရွယ်ချက်သည် ကုန်ပစ္စည်းများအတွက် ကုန်သွယ်မှု အကျိုးကျေးဇူးများကို ဖန်တီးပေးရန် ဖြစ်ပါသည်။

ဒေသတွင်း South-South Trade Promotion အစီအစဉ်၏ အစိတ်အပိုင်း တစ်ခုအနေဖြင့် ITC သည် မြန်မာနိုင်ငံ၏ ပုဂ္ဂလိကကဏ္ဍကို ၁၉၉၉ ခုနှစ်ကတည်းက ကူညီထောက်ပံ့ ပေးပါသည်။ ယင်းသည် အာရှစျေးကွက်တွင် SMEs လုပ်ငန်းများအတွက် ဒေါ်လာ သန်းပေါင်းများစွာ တန်ဖိုးရှိ စီးပွားရေးလုပ်ငန်းများကို ဖန်တီးကူညီပေးပါသည်။ ၂၀၁၃ ခုနှစ်မှ ၂၀၁၅ ခုနှစ်အတွင်း ITC သည် မြန်မာနိုင်ငံ၏ အမျိုးသား ပို့ကုန်ဆိုင်ရာ မဟာဗျူဟာ (National Export Strategy-NES) ရေးဆွဲရာတွင် အစိုးရ၊ ပုဂ္ဂလိက ကဏ္ဍများ၌ အကြံပြုခြင်းများဖြင့် ထောက်ပံ့ကူညီပေးပါသည်။ ယင်းသည် မြန်မာနိုင်ငံ၏ ပထမဦးဆုံး ၅ နှစ်တာကာလ ပို့ကုန်ဆိုင်ရာ တိုးတက်ရေးစီမံကိန်းဖြစ်ပြီး ၂၀၁၅ ခုနှစ် မတ်လတွင် ထုတ်ပြန်ခဲ့ပါသည်။

ITC သည် မြန်မာနိုင်ငံ၏ စီးပွားရေးနှင့် လူမှုရေးပြုပြင်ပြောင်းလဲမှုမူဘောင်(FESR)နှင့် အမျိုးသားဘက်စုံဖွံ့ဖြိုးတိုးတက်ရေးစီမံကိန်း(NCDP)တို့တွင် ဖော်ပြထားသည့် ဖွံ့ဖြိုးမှုဆိုင် ရာ ဦးစားပေးလုပ်ငန်းများကို လုပ်ငန်းအစီအစဉ်များဖြင့် ထောက်ပံ့ပေးပါသည်။ ယင်းတွင် မဏ္ဍိုင် ၃ ရပ် ရှိပါသည်- ရွေးချယ်သတ်မှတ်ထားသည့် စက်မှုနှင့်ဝန်ဆောင်မှု လုပ်ငန်းများ တွင် ပို့ကုန်တိုးမြှင့်ခြင်းဖြင့် စိုက်ပျိုးရေးကဏ္ဍတွင် ပို့ကုန်နှင့်ထပ်တိုးတန်ဖိုးများ ခိုင်မာ စေခြင်း၊ ကုန်သွယ်မှုဆိုင်ရာ အဖွဲ့အစည်းများကို ခိုင်မာစေရန် ထောက်ပံ့ခြင်းဖြင့် SMEs လုပ်ငန်းများကို စီးပွားရေးဝန်ဆောင်မှုများထောက်ပံ့ခြင်း၊ အမျိုးသားပို့ကုန်ဆိုင်ရာ မဟာဗျူဟာ (NES)ကို အကောင်အထည်ဖော်ခြင်းနှင့် စောင့်ကြပ်ကြည့်ရှုခြင်းတို့တွင် အကြံပြုခြင်းဖြင့် ကူညီခြင်းတို့ ဖြစ်ပါသည်။

ITC သည် မြန်မာနိုင်ငံ၏ ခရီးသွားလုပ်ငန်းတွင် လုပ်ငန်းစီမံချက်များကို အကောင်အထည် ဖော်ဆောင်ရွက်နေပြီး SMEs လုပ်ငန်းများကို value chains နှင့် value chain upgrading၊ အစားအစာဘေးကင်းလုံခြုံမှုနှင့် SPS နှင့်လိုက်လျောညီထွေရန်၊ နိုင်ငံ အဆင့်နှင့် တိုင်း/ဒေသအဆင့် ကုန်သွယ်မှုနှင့် ရင်းနှီးမြှုပ်နှံမှု တိုးမြှင့်ရန် မဟာဗျူဟာများကို ကူညီထောက်ပံ့ ဆောင်ရွက်ပါသည်။

International Trade Centre

About

Financials