ဂျာမနီနိုင်ငံ

မြန်မာနိုင်ငံနှင့်ဖွံ့ဖြိုးမှုပူးပေါင်းဆောင်ရွက်ရေးသမိုင်း

ဂျာမနီဖက်ဒရယ်ပြည်ထောင်စုနှင့် ပြည်ထောင်စုသမ္မတမြန်မာနိုင်ငံသည် ၁၉၅၄ ခုနှစ် ကတည်းက သံတမန်ဆက်ဆံရေးကို တည်ထောင်ခဲ့ပါသည်။ ဂျာမန် ဖွံ့ဖြိုးမှုပူးပေါင်း ဆောင်ရွက်ရေးအဖွဲ့များဖြစ်သည့် GIZ နှင့် KfW တို့သည် ၁၉၆၀ ခုနှစ်မှ ၁၉၈၈ ခုနှစ်တိုင်အောင် မြန်မာနိုင်ငံနှင့် လက်တွဲဆောင်ရွက်ခဲ့ပါသည်။

၁၉၈၉ ခုနှစ် မှ ၂၀၁၁ ခုနှစ်ကြားတွင် ဂျာမနီနိုင်ငံနှင့် မြန်မာနိုင်ငံကြား ပူးပေါင်း ဆောင်ရွက်ရေး လုပ်ငန်းများကို ဆိုင်းငံ့ထားခဲ့ပါသည်။ သို့သော် မျက်မှောက်ကာလတွင် ဂျာမနီသည် နိုင်ငံတကာအေဂျင်စီများနှင့်အတူ မြန်မာနိုင်ငံ၏ လူသားချင်းစာနာ ထောက်ထားသည့် စီမံချက်များတွင် ထောက်ပံ့ပေးခဲ့ပြီး ဒေသတွင်း အဖွဲ့အစည်းများ၏ micro-scale projects များကိုလည်း ပံ့ပိုးပေးခဲ့ပါသည်။ ၁၉၉၆ ခုနှစ်တွင် ဂျာမန်၊ EU တို့၏ ဆက်ဆံရေးသည် မြန်မာနိုင်ငံအပေါ် ဖိနှိပ်ဆက်ဆံမှုများ ရှိခဲ့ပြီး မြန်မာနိုင်ငံတွင် ဒီမိုကရေစီနှင့် လူ့အခွင့်အရေးအတွက် EU ၏ တောင်းဆိုမှုကိုသာမက မြန်မာနိုင်ငံရှိ မိတ်ဖက်အဖွဲ့အစည်း များနှင့် လူသားချင်းစာနာ ထောက်ထားသော အခွင့်အလမ်းများကိုလည်း သဘောတူရန် တောင်းဆိုမှုများ ရှိခဲ့ပါသည်။

၂၀၀၈ မှစတင်ပြီး ဂျာမန်ဖက်ဒရယ် စီးပွားရေး ပူးပေါင်းဆောင်ရွက်မှုနှင့် ဖွံ့ဖြိုး တိုးတက်ရေးဝန်ကြီးဌာန (BMZ) သည် မြန်မာနိုင်ငံအတွက် အစားအစာဖူလုံရေး၊ ပညာရေး၊ ရေဆိုးစွန့်ပစ်ခြင်း၊ ကျန်းမာရေးစောင့်ရှောက်ခြင်း၊ မြေမြှုပ်မိုင်းကြောင့် ဒုက္ခရောက်သူများကို ထောက်ပံ့ပေးရန်အတွက် UNODC၊ UNICEF၊ WFP၊ ICRC၊ Malteser International ၊ German Agro Action စသည့် အဖွဲ့အစည်းများ၏ စီမံကိန်းများကိုလည်း ပံ့ပိုးပေးခဲ့ပါသည်။

နိုင်ငံရေးပြုပြင်ပြောင်းလဲမှုများနှင့် မြန်မာနိုင်ငံအပေါ် EU ၏ အရေးယူပိတ်ဆို့မှုများ ပြီးနောက် ဂျာမနီသည် ၎င်း၏တရားဝင်ဖွံ့ဖြိုးမှု အကူအညီများကို ၂၀၁၂တွင် ပြန်လည် ပေးအပ် ခဲ့ပါသည်။

ဂျာမန်နည်းပညာပူးပေါင်းဆောင်ရွက်မှုများကို GIZ က တင်ထားသော (http:// mohinga.info/en/profiles/donor/GIZ/)တွင် ကြည့်ရှုနိုင်ပြီး BGR၊ PTB နှင့် ငွေကြေး ပူးပေါင်းဆောင်ရွက်မှုများကို KfW ကတင်ထားသည့် (http://mohinga.info/en/profiles /donor/ KfW/)တွင် ကြည့်ရှုနိုင်ပါသည်။

ဂျာမန်ဖက်ဒရယ် စီးပွားရေး ပူးပေါင်းဆောင်ရွက်ရေးနှင့် ဖွံ့ဖြိုးတိုးတက်ရေးဝန်ကြီးဌာန (BMZ) GIZ၊ BGR၊ PTB ၊ KfW တို့မှ အောက်ပါ focal area များကို ပံ့ပိုးပေးပါသည်-

• စဉ်ဆက်မပြတ်စီးပွားရေးဖွံ့ဖြိုးတိုးတက်မှု (ဥပမာအသေးစားနှင့်အလတ်စားစက်မှုလုပ်ငန်းတိုးတက်မှု၊ TVET)

• ပုဂ္ဂလိကကဏ္ဍခိုင်မာအားကောင်းမှု

• အရည်အသွေးဆိုင်ရာအခြေခံအဆောက်အဦးအားကောင်းမှု

• ငွေကြေးကဏ္ဍဖွံ့ဖြိုးတိုးတက်မှု

• စဉ်ဆက်မပြတ် မိုင်းကဏ္ဍ ဖွံ့ဖြိုးတိုးတက်မှု

• ကျေးလက်ဒေသဖွံ့ဖြိုးတိုးတက်မှု

(ဥပမာကျေးလက်ဒေသအခြေခံအဆောက်အဦ၊ကျေးလက်ဒေသမီးလင်းရေး)

Government of Germany

About

Financials