ပြည်ထောင်စုသမ္မတမြန်မာနိုင်ငံနှင့် တွဲဖက်ဆောင်ရွက်မည့် ဥရောပသမဂ္ဂ၏ ပူးပေါင်းရေး မူဝါဒအရ ပြင်သစ်နိုင်ငံသည် မြန်မာနိုင်ငံအစိုးရနှင့် တွဲဖက်၍လည်းကောင်း၊ အရပ်ဖက် အဖွဲ့အစည်း များနှင့် တွဲဖက်၍လည်းကောင်း နိုင်ငံရေး၊ စီးပွားရေးနှင့် လူမှုရေး အပြောင်းအလဲ ကိစ္စရပ်များတွင် ပူပေါင်းဆောင်ရွက်ရန် ကတိကဝတ်ပြုထားပါသည်။

လက်ရှိတွင် ပြင်သစ်နှင့် မြန်မာနှစ်နိုင်ငံ ပူးပေါင်းဆောင်ရွက်မှုတွင် အောက်ပါ လုပ်ငန်းစဉ် များ ဆောင်ရွက်ထားရှိပါသည်-

• အကြွေးပယ်ဖျက်ပေးခြင်း (၂၀၁၃ ခုနှစ်တွင် အမေရိကန်ဒေါ်လာ ၅၅၀ သန်း) နှင့် နိုင်ငံ အချင်းချင်း ပူးပေါင်းဆောင်ရွက်မှု အစီအစဉ်များ ကူညီထောက်ပံ့ပေးခြင်း စသည်တို့အပြင် ပြင်သစ်သည် အောက်ပါအစီအစဉ်(၂)ခုကိုလည်း ပူးပေါင်းအကောင်အထည်ဖော် ဆောင်ရွက် နေပါသည်-

(၁) ၂၀၁၂ ခုနှစ်ကပင် ပြင်သစ်ဖွံ့ဖြိုးတိုးတက်ရေးအေဂျင်စီ (AFD) သည် ကျန်းမာရေး၊ ရေအရင်းအမြစ် သန့်ရှင်းရေးနှင့် ကျေးလက်ဒေသ ဖွံ့ဖြိုးတိုးတက်ရေး ကဏ္ဍများ အတွက် ယူရို ၂၂,၃ သန်း (အမေရိကန်ဒေါ်လာ ၂၄,၅ သန်း) ထောက်ပံ့ပေးခဲ့ပါသည်။ ၂၀၁၄ ခုနှစ်တွင် AFD သည် အတိုးနှုန်း သက်သာသော ချေးငွေများဆိုင်ရာ ပြဋ္ဌာန်း သတ်မှတ်ချက်များဆီသို့ ဦးတည် ဆောင်ရွက်လာပါသည်။ PROPARCO ငွေကြေး ရန်ပုံငွေအဖွဲ့သည် ထောင်စုနှစ်ဖွံ့ဖြိုးရေးဆိုင်ရာ ရည်မှန်းချက်ပန်းတိုင်များနှင့် စဉ်ဆက် မပြတ် ဖွံ့ဖြိုးတိုးတက်မှုများဆီသို့ ဦးတည်၍ ပုဂ္ဂလိက ရင်းနှီးမြှုပ်နှံမှုများကို တိုးမြှင့် နိုင်မည့် အခွင့်အလမ်းများ ရှာဖွေပေးရန် တာဝန်ယူထားပါသည်။

(၂)၂၀၁၂ ခုနှစ်မှစ၍ ပြင်သစ်သံရုံးမှတစ်ဆင့် ထောက်ပံ့ ပေးထားသော ခန့်မှန်းရန်ပုံငွေ အမေရိကန် ဒေါ်လာ ၆ သန်း ခန့်ရှိမည့် စီမံကိန်းများသည် အုပ်ချုပ်ရေး၊ လူသားချင်း စာနာထောက်ထားမှုဆိုင်ရာ အကူအညီပေးရေး၊ အရပ်ဖက်အဖွဲ့အစည်းများကို ကူညီ ပေးရေး၊ သတင်းမီဒီယာ၊ ဓလေ့ထုံးစံနှင့် ပညာရေး အဆင့်မြှင့်တင်ရေး စသော ကဏ္ဍ များတွင် အကောင်အထည်ဖော် ဆောင်ရွက်လျက်ရှိပါသည်။

AFD ဆောင်ရွက်ချက်များ တိုးချဲ့ခြင်းနှင့် အစီအစဉ်အသစ်များ ချမှတ်ခြင်းဖြင့် လာမည့်နှစ် များတွင် မြန်မာနိုင်ငံသို့ ထောက်ပံ့မည့် ပြင်သစ် ODA သည် ပိုမို တိုးမြှင့်လာမည်ဟု ခန့်မှန်း ထားပါသည်။

ယခုအခါ ပြင်သစ် အကူအညီအထောက်အပံ့များသည် အောက်ပါ နယ်ပယ်များတွင် အဓိက ထား ဆောင်ရွက်နေပါသည်။

Government of France

About

Financials