ကိုရီးယားအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ

ကိုရီးယားသမ္မတနိုင်ငံနှင့် ပြည်ထောင်စုသမ္မတမြန်မာနိုင်ငံတို့၏ နှစ်နိုင်ငံ ဖွံ့ဖြိုးမှုပူးပေါင်း ဆောင်ရွက်ရေးကို ၁၉၈၇ ခုနှစ် အစောပိုင်းက စတင်ခဲ့ပါသည်။ ၁၉၈၇ ခုနှစ်မှ ၂၀၁၃ ခုနှစ် အတွင်း ကိုရီးယားအစိုးရမှ မြန်မာနိုင်ငံသို့ တရားဝင်ဖွံ့ဖြိုးမှုအကူအညီ စုစုပေါင်း အမေရိကန် ဒေါ်လာ ၁၃၇၈၉၀၀၀၀ ထောက်ပံ့ပေးခဲ့ပါသည်။ ကိုရီးယားနိုင်ငံ၏ တရားဝင် ဖွံ့ဖြိုးမှု အကူအညီကို မူလအကူအညီပေးရေး အေဂျင်စီဖြစ်သော ကိုရီးယားအပြည်ပြည်ဆိုင်ရာ ပူးပေါင်း ဆောင်ရွက်ရေးအေဂျင်စီမှ ဆောင်ရွက်ပေးလျက် ရှိပါသည်။ စီးပွားရေး ဖွံ့ဖြိုးတိုးတက်မှု ပူးပေါင်းဆောင်ရွက်ရေး ရန်ပုံငွေအောက်ရှိ အတိုးနှုန်း သက်သာသော ချေးငွေအတွက် ကိုရီးယားပို့ကုန်/သွင်းကုန်ဘဏ်ဖြစ်သော Korea Exim Bank မှ ဆောင်ရွက်လျက်ရှိပါသည်။ ထို့အပြင် ကိုရီးယားအဖွဲ့အစည်းများနှင့် အစိုးရအဖွဲ့ရုံး ၁၆ ရုံးကျော်သည် မြန်မာနိုင်ငံသို့ ထောက်ပံ့ရေး အစီအစဉ်ငယ်များကို ၂၀၀၅ ခုနှစ်မှစ၍ ပံ့ပိုးပေးခဲ့ပါသည်။ မြန်မာနိုင်ငံကို ကိုရီးယားနိုင်ငံ၏ ဖွံ့ဖြိုးမှုပူးပေါင်းဆောင်ရွက်ရေး ဦးစားပေးနိုင်ငံ ၂၃ နိုင်ငံထဲမှ တစ်နိုင်ငံ အဖြစ် ၂၀၁၅ ခုနှစ် မတ်လက သတ်မှတ်ခဲ့ပြီး လာမည့်နှစ်များတွင် မြန်မာနိုင်ငံသို့ ပိုမိုထောက်ပံ့ ပေးနိုင်ရန် မျှော်မှန်းထားပါသည်။ KOICA ရုံးကို မြန်မာနိုင်ငံတွင် ၂၀၀၁ ခုနှစ် သြဂုတ်လတွင် စတင်ဖွင့်လှစ်ခဲ့ပြီး ၂၀၁၃ ခုနှစ်မှစ၍ မြန်မာနိုင်ငံသို့ အကူအညီပေးသည့် ပမာဏ ပိုမိုတိုးမြှင့်လာ ခဲ့ပါသည်။ ၁၉၉၁ ခုနှစ်မှ ၂၀၁၄ ခုနှစ်အထိ မြန်မာနိုင်ငံသို့ ပေးအပ်ခဲ့သည့် အကူအညီစုစုပေါင်း အမေရိကန်ဒေါ်လာ စုစုပေါင်း ၆၆ သန်းဝန်းကျင်ဖြစ်ပါသည်။ ၂၀၁၃ ခုနှစ်အတွက် အကူအညီ အမေရိကန်ဒေါ်လာ ၁၁.၃၄ သန်းဖြစ်ပြီး အကူအညီစုစုပေါင်း ၇၅ ရာခိုင်နှုန်းအထိ တိုးတက်လာကာ ၂၀၁၂ ခုနှစ်ကထက် အမေရိကန် ဒေါ်လာ ၆.၂ သန်း မြင့်တက်လာခဲ့ပါသည်။ ကိုရီးယားသမ္မတနိုင်ငံ၏ အဓိကအေဂျင်စီဖြစ်သည့် KOICA သည် ၂၀၁၅ ဘဏ္ဍာနှစ်တွင် အမေရိကန်ဒေါ်လာ ၁၃ သန်း အကူအညီပေးပြီး ဖြစ်ပါသည်။ အခြားအစိုးရရုံးများနှင့် ပြည်သူ့ အဖွဲ့အစည်းများသည်လည်း ၎င်းတို့၏ ကိုယ်ပိုင် အကူအညီပေးရေး အစီအစဉ်များကို ဆောင်ရွက်လျက် ရှိပါသည်။ KOICA သည် ၂၀၁၂ ခုနှစ် အောက်တိုဘာလ ၉ ရက်နေ့တွင် ကိုရီးယားသမ္မတနိုင်ငံနှင့် ပြည်ထောင်စုသမ္မတမြန်မာနိုင်ငံအစိုးရတို့အကြား ချုပ်ဆိုခဲ့သော အကူအညီပေးရေးဆိုင်ရာ မူဘောင်အပေါ် အခြေခံ၍ ဖွံ့ဖြိုးမှုအကူအညီများကို ထောက်ပံ့ ပေးလျက်ရှိပါသည်။ မြန်မာနိုင်ငံတွင် KOICA ၏ အထောက်အပံ့ပေးရေး အစီအစဉ်များကို အကောင်အထည်ဖော်ရာ၌ ထိရောက်သော ထောက်ပံ့ပေးမှုများဖြင့် အလေးထားဆောင်ရွက် သွားရန် နှစ်နိုင်ငံအစိုးရအကြား ဖွံ့ဖြိုးမှုအကူအညီပေးရေးဆိုင်ရာ မူဘောင်ကို နှစ်စဉ်လက်မှတ် ရေးထိုးခဲ့ပါသည်။ KOICA ၏ ဖွံ့ဖြိုးမှု အကူအညီပေးရေး အစီအစဉ်များကို ဖွံ့ဖြိုးရေး စီမံကိန်းများဖြစ်သော မိဿဟအစီအစဉ်၊ ကမ္ဘာလုံးဆိုင်ရာ ကိုရီးယားမိတ်ဖက်အစီအစဉ်၊ အစိုးရပုဂ္ဂလိက ပူးပေါင်းဆောင်ရွက်ရေး အစီအစဉ်နှင့် လူသားချင်းစာနာထောက်ထားမှုဆိုင်ရာ အကူအညီတို့ဖြင့် စုစည်းထားပါသည်။

ကဏ္ဍများ

• အခြေခံကျန်းမာရေးကဏ္ဍ

• ရေသန့်ရှင်းရေးကဏ္ဍ

• အခြားလူမှုရေးအခြေခံအဆောက်အဦနှင့် ဝန်ဆောင်မှုကဏ္ဍ

• စိုက်ပျိုးရေးကဏ္ဍ

• ကုန်သွယ်ရေးမူဝါဒ၊ စည်းကမ်းသတ်မှတ်ချက်များနှင့် ကုန်သွယ်ရေးနှင့် ပတ်သက်သည့် ညှိနှိုင်းမှုကဏ္ဍ

ဆက်သွယ်ရန်လိပ်စာ

အမှတ် ၅၁၄(A)၊ အခန်း ၄ ၊ ဝေဇယန္တာလမ်း၊ တောင်ဥက္ကလာပမြို့နယ်၊ ရန်ကုန်

ဖုန်း +95 1 8500 801 , 8500 803

ဖက်စ် (951) 8500 802

အီးမေးလ် koica.mm@gmail.com

Korea International Cooperation Agency

About

Financials