ကမ္ဘာ့ဘဏ်

နောက်ခံသမိုင်း

၂၀၁၇ ခုနှစ်တွင် မြန်မာနိုင်ငံ၏ တစ်ဦးချင်းဝင်ငွေမှာ အမေရိကန်ဒေါ်လာ ၁၄၅၅ ရှိပြီး၊ တစ်ကမ္ဘာလုံးတွင် အရှေ့အာရှနှင့် ပစိဖိတ်ဒေသများတွင် စီးပွားရေး အလျင်မြန်ဆုံး တိုးတက်လာသည့် နိုင်ငံတစ်နိုင်ငံဖြစ်ပါသည်။ ၂၀၁၆-၂၀၁၇ တွင် ဂျီဒီပီတိုးတက်မှုနှုန်းမှာ ၆.၄ ရာခိုင်နှုန်းရှိခဲ့ပြီး ၂၀၁၇-၂၀၁၈ တွင် ၎င်းနှုန်းအတိုင်း မျှော်လင့်ထားခဲ့ပါသည်။ ၂၀၁၈-၂၀၁၉ တွင် GDP တိုးတက်မှုနှုန်း ၆.၇ ရာခိုင်နှုန်းနှင့် ၂၀၁၉-၂၀၂၀ တွက် ၇ ရာခိုင်နှုန်း တိုးတက်ခဲ့သည့်အပြင် ၂၀၁၉-၂၀၂၀ တွင် ဝန်ဆောင်မှု လုပ်ငန်းများ၊ စက်မှုလုပ်ငန်းနှင့် စိုက်ပျိုးရေးလုပ်ငန်းများ တိုးတက်ခဲ့ပါသည်။ တိုးတက်မှု နှောင့်နှေး ကြန့်ကြာခဲ့သည့် ကဏ္ဍများမှာ ဆောင်ရွက်ဆဲနှင့် မပြီးပြတ်သေးသည့် ငြိမ်းချမ်းရေးလုပ်ငန်းစဉ်များ၊ တိုင်းရင်းသားလက်နက်ကိုင် အဖွဲ့အစည်းများနှင့် ရခိုင်ပြည်နယ်ပဋိပက္ခများ ပါဝင်ပါသည်။ မိမိတို့ နိုင်ငံအနေဖြင့် ရင်းနှီးမြှုပ်နှံမှုကဏ္ဍ၊ ဘဏ်လုပ်ငန်းကဏ္ဍနှင့် ၎င်းတို့၏ အကောင်အထည်ဖော် ဆောင်ရွက်မှု စွမ်းရည်တို့ အားကောင်းလာစေရန်အတွက် အဓိကပြုပြင်ပြောင်းလဲမည် ဖြစ်ပါသည်။

မကြာသေးမီက ထုတ်ပြန်ခဲ့သည့် ကမ္ဘာ့ဘဏ်၏ ဆင်းရမှု လေ့လာ ဆန်းစစ်ချက်အရ ၂၀၀၄ ခုနှစ်၌ ဆင်းရဲမှုနှုန်း ၄၄.၅ ရာခိုင်နှုန်းရှိရာ ၂၀၀၉ - ၂၀၁၀ တွင် ၃၇.၅ ရာခိုင်နှုန်းနှင့် ၂၀၁၅ တွင် ၂၆.၁ ရာခိုင်နှုန်းထိ ကျဆင်းခဲ့ပါသည်။ သို့သော် ဆင်းရဲမှုများစွာ ကျန်ရှိနေသေးသည်။ စိုက်ပျိုးရေးကို အားထားနေသည့် ကျေးလက်ဒေသများနှင့် ကျပန်းလုပ်ကိုင်သူများလည်း ကျန်ရှိနေဆဲဖြစ်ပါသည်။ ထို့ကြောင့် ဆင်းရဲမှုလိုင်းနှင့် နီးကပ်နေသူများသည် စီးပွားရေးကျပ်တည်းမှုများ ခံစားရနိုင်ခြေ ရှိပါ သည်။ အာဆီယံနိုင်ငံများအနက် မြန်မာနိုင်ငံသည် အနိမ့်ဆုံးမျှော်မှန်းသည့် လူနေမှုဘဝနှင့် မွေးကင်းစ ကလေးနှင့် သေဆုံးမှုနှုန်းမှာ ဒုတိယအမြင့်ဆုံးနှုန်း ဖြစ်သည်။ အခါလည်မပြည့်မီ ကလေး အယောက် ၁၀၀ တွင် ၆.၂ ရာခိုင်နှုန်း သေဆုံးလျက်ရှိပြီး (၂၀၁၄ ခုနှစ် သန်းခေါင်စာရင်းအရ) ငါးပတ် မပြည့်သည့် ကလေးသေဆုံးမှုနှုန်းမှာ ၇.၂ ရာခိုင်နှုန်း ရှိပါသည်။ အာဟာရနှင့် ပတ်သက်၍ အသက် ၅ နှစ်အောက် ကလေးများတွင် ၂၉ ရာခိုင်နှုန်းသည် အတန်အသင့် ပိန်လှီကြပြီး၊ ၈ ရာခိုင်းမှာ အလွန်ပိန်လှီကြပါသည်။ ကျောင်းထွက်နှုန်းမှာ မြင့်မားလျက်ရှိပြီး၊ အထူးသဖြင့် ကျေးလက်ဒေသများတွင် ကလေး ၁၀ ယောက် တွင် ၆ ယောက်နှုန်း ကျောင်းထွက် လျက်ရှိပြီး၊ အဆင်းရဲဆုံးမိသားစုများတွင် အလယ်တန်းအဆင့် မပြီးဆုံးမီနှင့် ကျောင်းနေစအရွယ်တွင် ပင်ကျောင်းထွက်လျက်ရှိကြသည်။

အခြေခံအဆောက်အဦနှင့်ဝန်ဆောင်မှုလုပ်ငန်းများတိုးတက်အောင်မြင်နိုင်ရန်အတွက် ကျေးလက် ဒေသနှင့် မြို့ပြဧရိယာ နှစ်ခုလုံးတွင် စိန်ခေါ်မှုများ ကျန်ရှိနေသေးသည်။ လူဦးရေ၏ သုံးပုံတစ်ပုံသာလျှင် အမျိုးသားလျှပ်စစ်ဓာတ်အား ရရှိပြီး၊ လမ်းပန်းဆက်သွယ်ရေးကဏ္ဍ၌ ၁၀၀၀ square kilometers တွင် ၂၁၉.၈ ကီလိုမီတာနှုန်း ကျန်ရှိနေပါသည်။ သို့သော် မကြာသေးမီက ဖြေလျှော့ခဲ့သည့် တယ်လီဖုန်း ဆက်သွယ်မှုကဏ္ဍ၌ မိုဘိုင်းဖုန်းနှင့် အင်တာနက်သုံးစွဲမှုတို့တွင် ၂၀၁၄ ခုနှစ်၌ ၂၀ ရာခိုင်နှုန်းနှင့် ၁၀ ရာခိုင်နှုန်း တိုးတက်သုံးစွဲခဲ့ရာမှ ၂၀၁၆ ခုနှစ်တွင် ၆၀ ရာခိုင်နှုန်းနှင့် ၂၅ ရာခိုင်နှုန်းအထိ သိသာစွာ တိုးတက်လာခဲ့သည်။ မြန်မာနိုင်ငံသည် ရေကြီးခြင်း၊ ဆိုင်ကလုန်းမုန်တိုင်းများတိုက်ခတ်ခြင်း၊ ငလျင် လှုပ်ခြင်း၊ မြေပြိုခြင်းနှင့် မိုးခေါင်ခြင်းစသည့် ကမ္ဘာပေါ်တွင် သဘာဝဘေးအန္တရာယ်ဒဏ် အခံရဆုံး နိုင်ငံများအနက် တစ်နိုင်ငံဖြစ်ပြီး၂၀၁၆ ခုနှစ် ကမ္ဘာလုံးဆိုင်ရာ ရာသီဥတုအညွှန်းကိန်း ၁၈၇ နိုင်ငံတွင် အဆင့် (၂)နေရာ၌ တည်ရှိနေပါသည်။ ဘေးအန္တရာယ်စီမံခန့်ခွဲမှုများအတွက် အကြောင်းကြား အညွှန်းကိန်းတွင် နိုင်ငံပေါင်း ၁၉၁ နိုင်ငံ၌ အဆင့် (၉) တွင် ရှိနေပါသည်။

ကဏ္ဍများ

ပညာရေး (အဆင့် အတိအကျ သတ်မှတ်မထား)

အခြေခံပညာရေး

ကျန်းမာရေး (အထွေထွေ)

အခြေခံကျန်းမာရေး

လူဦးရေဆိုင်ရာ မူဝါဒများ/ အစီအစဉ်များနှင့် မျိုးဆက်ပွားကျန်းမာရေး

ရေနှင့် မိလ္လာစနစ်

အစိုးရနှင့် လူမှုအဖွဲ့အစည်း (အထွေထွေ)

ပဋိပက္ခကြိုတင်ကာကွယ်ခြင်းနှင့် ဆုံးဖြတ်ခြင်း၊ ငြိမ်းချမ်းရေးနှင့် လုံခြုံရေး

စွမ်းအင်ထုတ်လုပ်ရေးနှင့် ဖြန့်ဖြူးရေး

ဘဏ်စနစ်နှင့် ဘဏ္ဍာရေးဝန်ဆောင်မှု

စီးပွားရေးလုပ်ငန်းများနှင့် အခြားဝန်ဆောင်မှုများ

စိုက်ပျိုးရေး

အထွေထွေ သဘာဝပတ်ဝန်းကျင်ဆိုင်ရာ ကာကွယ်ခြင်း

အခြားကဏ္ဍများ

သဘာဝဘေးအန္တရာယ် ကြိုတင်ကာကွယ်ခြင်းနှင့် ကြိုတင်ပြင်ဆင်ခြင်း

World Bank

About

Financials