၂၀၁၄ ခုနှစ် သြဂုတ်လ ၁၁ ရက်တွင် အီတလီဥပဒေ အမှတ် (၁၂၅)ကို အီတလီဖွံ့ဖြိုးမှု ပူးပေါင်း ဆောင်ရွက်ရေးစနစ်၏ အုပ်ချုပ်မှုအသစ်အဖြစ် ပြဋ္ဌာန်းခဲ့ပါသည်။ မူဝါဒအဆင့်တွင် အီတလီဘဏ္ဍာရေးဝန်ကြီးဌာန၊ နိုင်ငံခြားရေးနှင့် နိုင်ငံတကာ ပူးပေါင်းဆောင်ရွက်ရေးဝန်ကြီး ဌာနနှင့် သက်ဆိုင်ရာဝန်ကြီးဌာနများက နိုင်ငံများ၏ မဟာဗျူဟာကျသည့် လမ်းညွှန်ချက် များနှင့် ဦးစားပေးများကို တာဝန်ယူချမှတ်ပါသည်။

နည်းပညာအဆင့်တွင် အီတလီဖွံ့ဖြိုးမှုပူးပေါင်း ဆောင်ရွက်ရေးအေဂျင်စီသည် စီမံချက် စီမံခန့်ခွဲမှုနှင့် အထောက်အပံ့ ကုန်ကျစရိတ်များကို သတ်မှတ်ထားပြီး အစိုးရဘဏ်နှင့် CDP (Cassa Depositi e Prestiti ) တို့သည် AICS နှင့် ပူးပေါင်း၍ သက်သာသောချေးငွေ ကိစ္စရပ် များကို တာဝန်ယူ ဆောင်ရွက်ပေးပါသည်။

အီတလီဖွံ့ဖြိုးမှု ပူးပေါင်း ဆောင်ရွက်ရေးလမ်းစဉ်အရ မြန်မာနိုင်ငံကို ဦးစားပေး နိုင်ငံအဖြစ် ရွေးချယ်ပြီး မြန်မာနိုင်ငံ၏ နိုင်ငံရေးဆိုင်ရာကိစ္စရပ်များ၊ နိုင်ငံတကာနှင့် ပူးပေါင်း ဆောင်ရွက်သည့် ကိစ္စရပ်များနှင့် ပြုပြင်ပြောင်းလဲမှုဆိုင်ရာ ကိစ္စရပ်များတွင် ကူညီဆောင်ရွက် ပေးလျက် ရှိပါသည်။

ထို့ပြင် ၂၀၁၁ ဖွံ့ဖြိုးမှုပူးပေါင်းဆောင်ရွက်ရေးအစီအစဉ်အရ အီတလီသည် စီးပွားရေးနှင့် လူမှုရေး ဖွံ့ဖြိုးတိုးတက်မှု မဟာဗျူဟာများ အကောင်အထည်ဖော် ဆောင်ရွက်ရန်၊ အဖွဲ့အစည်း များ၏ ရည်မှန်းချက်များနှင့် စွမ်းဆောင်ရည် တိုးမြှင့်ရန်စသည့် ကိစ္စရပ်များတွင် ထောက်ပံ့ ပေးရန် ရည်ရွယ်ထားပါသည်။

၂၀၁၆-၂၀၁၈ ကာလအတွင်း အီတလီဖွံ့ဖြိုးမှုပူးပေါင်းဆောင်ရွက်ရေး အစီအစဉ်တွင် အဓိကကဏ္ဍ(၃)ခုတွင် ကျေးလက်ဒေသဖွံ့ဖြိုးရေး၊ ငြိမ်းချမ်းရေး လုပ်ငန်းစဉ်များ အပါအဝင် ကောင်းမွန်သည့် အုပ်ချုပ်မှုစနစ်၊ ပုဂ္ဂလိကကဏ္ဍ ဖွံ့ဖြိုးမှုတွင် ယဉ်ကျေးမှု အမွေအနှစ်များနှင့် ခရီးသွားလုပ်ငန်း တိုးတက်စေခြင်းတို့ဖြစ်ပြီး ကျား-မတန်းတူညီမျှမှုနှင့် ပတ်သက်သည့် ကိစ္စရပ်များကိုလည်း ထည့်သွင်းထားပါသည်။

၂၀၁၅ ခုနှစ်တွင် အီတလီဖွံ့ဖြိုးမှုပူးပေါင်းဆောင်ရွက်ရေးအဖွဲ့၏ ထောက်ပံ့ငွေပမာဏ သည် ယူရို(၃၆)သန်းကျော်ရှိပြီး ယင်းပမာဏသည် အမျိုးသားအဆင့် လူထုဗဟိုပြု ဖွံ့ဖြိုး တိုးတက်မှုစီမံကိန်း (NCDP)အရ သတ်မှတ်ထားသည့် သက်သာသောချေးငွေ ပမာဏများ လည်း ပါဝင်ပါသည်။

၂၀၁၆ ခုနှစ်တွင် အီတလီမှ ငြိမ်းချမ်းရေး ပူးပေါင်း ဆောင်ရွက်ရေး ရန်ပုံငွေကို UNOPS မှ (၃)သန်း ကူညီထောက်ပံ့ပေးမည်ဖြစ်ကြောင်း၊ အုပ်ချုပ်ရေးကဏ္ဍတွင် ODA ရယူဆောင်ရွက် ရန်အတွက် ဖွံ့ဖြိုးမှုအကူအညီများညှိနှိုင်းရေးအဖွဲ့နှင့် နိုင်ငံခြားစီးပွား ဆက်သွယ်ရေး ဦးစီးဌာန တို့မှ စတင်ဆောင်ရွက်မည့် ကဏ္ဍများကို သတ်မှတ်ဆောင်ရွက်ခြင်း၊ အမျိုးသားလျှပ်စစ် ဓာတ်အားပေးရေးစီမံကိန်းအတွက် သက်သာသော ချေးငွေယူရို(၃၀)သန်းနှင့် အကူအညီ (၁.၉၅)သန်း ထည့်ဝင်ခြင်းစသည်များကို ကတိကဝတ်ပြုထားပါသည်။

အီတလီသည် ပူးပေါင်းဆောင်ရွက်ရေးလုပ်ငန်းများ (နှစ်နိုင်ငံအကြားနှင့် နိုင်ငံပေါင်းစုံ အလှူရှင်များ၊ ကဏ္ဍဆိုင်ရာ လုပ်ငန်းအဖွဲ့များစသည်)တွင် ဥရောပသမဂ္ဂအဖွဲ့ဝင်နိုင်ငံများ၊ MS နှင့် EU ပူးပေါင်းဆောင်ရွက်မှု အစီအစဉ်များတွင်လည်း တက်ကြွစွာပါဝင် ဆောင်ရွက်လျက် ရှိပါသည်။ ထို့ပြင် ဘရာဇီ၏ ထောက်ခံအတည်ပြုချက်အရ“Joint European Union Development Partners' Transitional Strategy for Myanmar (2014 -2016)”ကို အပြီးသတ် ဆောင်ရွက်ခဲ့ပါသည်။

ထို့အပြင် ငြိမ်းချမ်းရေးတည်ဆောက်မှု၊ အုပ်ချုပ်ရေး၊ ကျေးလက်ဒေသဖွံ့ဖြိုး တိုးတက်ရေး၊ ကျားမတန်းတူညီမျှမှု၊ ပတ်ဝန်းကျင်၊ မြို့ပြလူမှု အဖွဲ့အစည်းနှင့် လူ့အခွင့်အရေး စသည့် နယ်ပယ်များတွင် ပေါင်းစပ်ဖွဲ့စည်းထားသော ငြိမ်းချမ်းရေးအဖွဲ့များ၊ အုပ်ချုပ်မှုပုံစံ၊ ကျေးလက်ဒေသဖွံ့ဖြိုးရေး၊ ပညာရေး၊ ကျန်းမာရေးနှင့် ပုဂ္ဂလိကကဏ္ဍများတွင် ကူညီ ဆောင်ရွက်ပေးလျက်ရှိပါသည်။

အီတလီနိုင်ငံမှ NGOs အဖွဲ့များသည် စိုက်ပျိုးရေး၊ ကျေးလက် ဒေသဖွံ့ဖြိုးရေး၊ ကျန်းမာရေးနှင့် သောက်သုံးရေးရရှိမှု၊ ပတ်ဝန်းကျင်ဆိုင်ရာ ထိန်းသိမ်းမှုစသည့် အမျိုးမျိုးသော ကဏ္ဍများတွင် ပူးပေါင်းဆောင်ရွက်ကြပါသည်။

Government of Italy

About

Financials