နောက်ခံသမိုင်းကြောင်း

ဩစတေးလျနိုင်ငံ အကူအညီ အစီအစဉ်သည် မြန်မာနိုင်ငံ၏ ပြုပြင်ပြောင်းလဲရေး လုပ်ငန်းများတွင် အထောက်အပံ့ပေးသည့် အစီအစဉ်များထဲမှ အဓိကအချက်ဖြစ်သော နှစ်ဦး နှစ်ဖက်အပြန်အလှန်အားဖြည့်ပေးရန်ဖြစ်ပါသည်။ (http://dfat.gov.au/about-us/publications/ Pages/aid-investment-plan-aip- myanmar-2015-20.aspx) တွင် ဝင်ရောက်ကြည့်ရှုနိုင်ပါသည်။

ရည်ရွယ်ချက် (၁)

• လူသားအရင်းအမြစ်ဖွံ့ဖြိုးတိုးတက်မှုလုပ်ငန်းများအပြင် စီးပွားရေးတိုး တက်လာစေရန် အတွက် ပညာရေးလုပ်ငန်းများတွင် ပံ့ပိုးပေးခြင်းများ၊ ငြိမ်းချမ်းရေးလုပ်ငန်းများနှင့် ဆင်းရဲ နွမ်းပါးမှု လျှော့ချခြင်း လုပ်ငန်းများတွင် ထောက်ပံ့ပေးရန် ရည်ရွယ်ပါသည်။ ၎င်းတို့သည် အနာဂတ်ကာလတွင် ပညာရေးပြုပြင်ပြောင်းလဲခြင်းလုပ်ငန်းများ၊ ကျွမ်းကျင်မှုနှင့် ယှဉ်ပြိုင်ခြင်း၊ လုပ်သားအင်အားနှင့် အထောက်အကူပြုခြင်း စသည့် လုပ်ငန်းများတွင် ကူညီထောက်ပံ့ပေးမည် ဖြစ်ပါသည်။ မြန်မာနိုင်ငံ၏ ပညာရေး အရည်အသွေး တိုးတက် ကောင်းမွန်လာစေရန်အတွက် ဩစတေးလျနိုင်ငံ အကူအညီသည် ကျောင်းဆရာ/ဆရာမများ သင်တန်းပေးခြင်းနှင့် ပညာသင်ဆုများအတွက် ကျောင်းများကို ထောက်ပံ့ပေးမည်ဖြစ်ပါသည်။ ပညာရေးစနစ် တိုးတက်လာစေရန်၊ ပဋိပက္ခဒဏ်ခံနေရသော ဒေသများကို အစိုးရနှင့် အစိုးရ မဟုတ်သော အဖွဲ့အစည်းများနှင့်အတူ ပူးပေါင်း၍ ပံ့ပိုးပေးရန် ရည်ရွယ်ပါသည်။ ဩစတေးလျ နိုင်ငံအစိုးရနှင့် မြန်မာနိုင်ငံအစိုးရတို့အကြား ပူးပေါင်းဆောင်ရွက်မှုလုပ်ငန်းများ မြှင့်တင်ရန် ဩစတေးလျနိုင်ငံ၏ အသိပညာနှင့် ကျွမ်းကျင်မှုတို့ကို အသုံးပြုပြီး အဆင့်မြင့် ပညာရေး အဖွဲ့အစည်းများ မြန်မာနိုင်ငံ၏ ပြုပြင်ပြောင်းလဲရေး ကြိုးပမ်းဆောင်ရွက်မှုများကို ထောက်ပံ့ ပေးရန် ရည်ရွယ်ပါသည်။

ရည်ရွယ်ချက်(၂)

• ငြိမ်းချမ်းရေးနှင့်တည်ငြိမ်ရေးကိုမြှင့်တင်ခြင်း၊ မြန်မာနိုင်ငံဖွံ့ဖြိုးမှုတွင် အားလုံးပါဝင်နိုင်သော အောင်မြင်မှုနှင့် တရားမျှတမှုများဖြစ်ထွန်းလာရန်အတွက် ငြိမ်းချမ်းရေးနှင့်တည်ငြိမ်ရေးသည် မရှိမဖြစ် လိုအပ်ပါသည်။ ဩစတေးလျနိုင်ငံသည် ငြိမ်းချမ်းရေးဆိုင်ရာ ညှိနှိုင်းမှုများ၊ နိုင်ငံရေးဆိုင်ရာတွေ့ဆုံ ဆွေးနွေးမှုများ၊ ဒီမိုကရေစီ ပြုပြင်ပြောင်းလဲရေးဆိုင်ရာ လုပ်ငန်းစဉ်များနှင့် ဖွံဖြိုးမှုဆိုင်ရာ လုပ်ဆောင်ချက်များကို ထောက်ပံ့ပေးခြင်းအပြင် စစ်ဘေးဒုက္ခခံနေရသူများကို ထောက်ပံ့ပေးနိုင်ရန် အခွင့်အလမ်းသစ် များလည်း ပေါ်ပေါက်လာမည်ဖြစ်ပါသည်။ လူ့အခွင့်အရေးကို မြှင့်တင်ရန်အတွက် ပြည်နယ် အပါအဝင် တိုင်းရင်းသားလူမျိုးများ၏ တန်ဖိုးထားရှိမှု၊ ဘာသာရေးမတူညီကွဲပြားမှုနှင့် အားလုံး ပူးပေါင်းပါဝင်ခြင်းဖြင့် အခြေခံအဆောက်အအုံကို ကောင်းစွာ မြှင့်တင်နိုင်လိမ့်မည်ဖြစ်သည်။ ၎င်းတို့သည် မြန်မာနိုင်ငံကို ကူညီထောက်ပံ့ခြင်းဖြင့် အပြည်ပြည်ဆိုင်ရာ လူ့အခွင့်အရေး စာချုပ်များနှင့် အပြည်ပြည်ဆိုင်ရာ လူ့အခွင့်အရေးအကောင် အထည်ဖော်မှုဆိုင်ရာ စံချိန်စံညွှန်း များနှင့် ကိုက်ညီစေရန် ရည်ရွယ်ပါသည်။ ဩစတေးလျနိုင်ငံသည် ထိုင်း-မြန်မာနယ်စပ် တစ်လျှောက်နှင့် ရခိုင်ပြည်နယ်အပါအဝင် လူသားချင်းစာနာ ထောက်ထားမှုဆိုင်ရာ အကူအညီ များ ကူညီပေးသွားမည်ဖြစ်ပြီး မြန်မာနိုင်ငံသို့ ပြန်လည် ရောက်ရှိလာသော ပြည်သူများနှင့် ရွေ့ပြောင်းအလုပ်သမားများ၊ နိုင်ငံမဲ့များ၊ အကြမ်းဖက်မှုများ၊ ဆင်းရဲနွမ်းပါးသူများကို ထောက်ပံ့ပေးမည် ဖြစ်ပါသည်။

ရည်ရွယ်ချက်(၃)

• မြန်မာနိုင်ငံသည် ဆယ်စုနှစ်များစွာ အာဏာရှင်စနစ်ကျင့်သုံးခြင်း၊ အပြည်ပြည်ဆိုင်ရာ ပိတ်ဆို့မှု များနှင့် ပြည်တွင်းစစ်ပွဲများကြောင့် မြန်မာနိုင်ငံ၏ စီးပွားရေးကို တိုးမြှင့်အောင် ဆောင်ရွက်ရာ တွင် စီးပွားရေးဖွံ့ဖြိုးတိုးတက်မှုနှင့် စီမံခန့်ခွဲမှုများ အပါအဝင် နောက်ကျခြင်းများ ဖြစ်ပေါ်ခဲ့ ရပြီး (GDP) အရ တစ်ဦးချင်းဝင်ငွေသည် အရှေ့တောင်အာရှတွင် ဒုတိယအနိမ့်ဆုံး ဖြစ်ပါသည်။ ဩစတေးလျနိုင်ငံသည် မူဝါဒတစ်ခုအနေဖြင့် စီးပွားရေးဖွံ့ဖြိုးတိုးတက်မှုကို ထောက်ပံ့ပေးမည် ဖြစ်ပြီး နိုင်ငံခြားတိုက်ရိုက်ရင်းနှီးမြှုပ်နှံမှုများ၊ ကုန်သွယ်ရေးနှင့် စီးပွားရေးပြုပြင် ပြောင်းလဲ မှုများအတွက် အထောက်အပံ့ ပေးမည်ဖြစ်ပါသည်။ ဥပဒေနှင့် စည်းမျဉ်းစည်းကမ်းများ ပြုပြင် ပြောင်းလဲရေး၊ အစိုးရနှင့်ပုဂ္ဂလိကအကြား ပူးပေါင်းဆောင်ရွက်မှု လုပ်ငန်းများ၊ ပုဂ္ဂလိကဏ္ဍ ကို ဦးစားပေးခြင်းဖြင့် စီးပွားရေးတိုးတက်မှုမြှင့်တင်ရန်၊ တီထွင်းဖန်တီးမှုနှင့် စီးပွားရေး စွမ်းဆောင်မှုများစသည့် ကုန်သွယ်မှုအကူအညီများတွင် ရင်းနှီးမြှုပ်နှံမှုများ တိုးမြှင့် လာစေရန် ကူညီပံ့ပိုးပေးပါသည်။ ဩစတေးလျနိုင်ငံသည် သဘာဝသယံဇာတများအပေါ် စီမံခန့်ခွဲခြင်း လုပ်ငန်းများတွင် အဓိကထား ထောက်ပံ့ပေးမည်ဖြစ်ပါသည်။

DFAT - Australian Aid Program

About

Financials